Inona marina ny Miara Manorina ?

Ny Miara-Manorina dia ambohipihaonan'ny Malagasy rehetra manerana an'izao tontolo izao, manana fahalalana sy fahendrena ary traikefa hozaraina,  mba hoentina mampivoatra:  ny isam-batan’olona sy ireo Soa Iombonana (miainga any amin'ny fianakaviana sy faritra tsirairay, ary tonga hatrany amin'ny Firenena).

Ny tanjona

Ny tanjona

Ireto avy ireo tanjona fototra ifantohan’ny Miara-Manorina:

  1. Hanainga ny Malagasy mpiray tanindrazana rehetra, na iza na iza, na aiza na aiza, hiara-hanorina indray ny tanindrazana iombonana.
  2. Hitrandraka, hamoha, hizara ary hivoy ireo toe-tsaina sy toe-panahy Malagasy tokony hananan’ny tsirairay.
  3. Hitondra fomba fijery sy hevitra mifameno ary hanome vahaolana mahomby, fohy ezaka, antomotr'ezaka sy lavitr'ezaka.
  4. Hametraka vina sy drafitra lavitr’ezaka ho an’i Madagasikara sy ny mponina ao aminy. Vina sy drafitra izay miainga avy any amin'ny faritra tsirairay.
Ny olombelona no harena vialohany

Ny olombelona no harena voalohany

  • Manam-pahalalana

    Maro ny Malagasy manerana izao tontolo izao no manam-pahaizana sy mamiratra amin’ny sehatra misy azy tsirairay.

  • Manam-pahendrena

    Ao ny Malagasy manana ny fahendrena izay nolovaina avy amin’ireo Ray aman-dreny tany aloha.

  • Tanora

    Ary indrindra indrindra, dia tombony ho an'i Madagasikara ny fananana ireo tanora izay mbola ao anatin’ny hery sady maro an’isa eto Madagasikara.

Noho izany, resy lahatra ny Miara-Manorina fa miainga amin’ny olombelona sy ny isam-batan’olona ny vahaolana amoahana an’i Madagasikara ao anatin’izao kizo lalina izao. Ary ny atao hoe olombelona dia ny fitambaran’ny vatana, saina ary fanahy.

Fisoratana anarana